औरंगाबाद शिवजयंती २०१२

शिवजयंतीनिमित्त आज भरगच्च् कार्यक्रम

प्रतिनिधी । औरंगाबाद

छत्रपती शिवाजी महाराजांच्या 382 व्या जयंतीनिमित्त विविध कार्यक्रमांचे आयोजन करण्यात आले आहे. रविवारी दुपारी 4.30 वाजता संस्थान गणपती येथून मिरवणुकीस प्रारंभ होईल. नवीन शहर शिवजयंती महोत्सव समितीतर्फे मोटारसायकल रॅली सकाळी 7.30 वाजता एन-4 येथील शिवाजी महाराजांच्या पुतळ्यास पुष्पहार अर्पण करून निघणार आहे. सकाळी 8 वाजता क्रांती चौक येथील महाराजांच्या पुतळ्यास जिल्हा शिवजयंती महोत्सव समितीच्या वतीने दुग्धाभिषेक करण्यात येईल. सकाळी 10 वाजता क्रांती चौकातून दुचाकी वाहन रॅली काढण्यात येईल. सकाळी 8.30 वाजता मुकुंदवाडी येथील शिवाजी महाराजांच्या पुतळ्याजवळ शिवशाहीर लक्ष्मण मोकासरे यांचा पोवाड्याचा कार्यक्रम सार्वजनिक शिवजयंती महोत्सव समिती एन-2 सिडकोच्या वतीने ठेवण्यात आला आहे. संस्थान गणपती येथून काढण्यात येणार्‍या मिरवणुकीत कोल्हापूर येथील युवा प्रतिष्ठान या पथकाद्वारे शिवकालीन कलेचे प्रात्यक्षिक सादर केले जाणार आहे. मिरवणुकीत शंभर युवकांचे झांज पथक व तीन लेझीम पथके सहभागी होणार आहेत. छावा मराठा युवा संघटनेतर्फे विविध कार्यक्रमांचे आयोजन करण्यात आले आहे. दुग्धाभिषेक, फळांचे वाटप, दुचाकी रॅली आणि सायंकाळी 6 वाजता गजानन मंदिर येथे देशभक्तिपर गीतांचा कार्यक्रम ठेवण्यात आला आहे.

शिवजयंती कार्यकारिणीच्या अध्यक्षपदी योगेश थोरात

गाजगाव । नुकतीच गाजगाव येथे शिवजयंती उत्सव समितीची बैठक पार पडली. यात शिवजयंती कार्यकारिणीच्या अध्यक्षपदी योगेश थोरात यांची निवड करण्यात आली आहे. कार्यकारिणी पुढीलप्रमाणे आहे. अध्यक्ष -योगेश थोरात, उपाध्यक्ष-नितीन डोंगरे, सचिव-पुंडलिक पाटेकर, कोषाध्यक्ष-सुनील थोरात, संघटक- राहुल डोंगरे, कार्याध्यक्ष- गणेश

डोंगरे, नियंत्रण अध्यक्ष- सचिन डोंगरे, सदस्य - गणेश थोरात, भारत गवळी, मुकेश धुमाळ, सुरेश पाटेकर, रमेश डोंगरे, सुरेश यवले, साईनाथ रावते, आदींची निवड करण्यात आली.

सातारा शिवजयंती २०१२

शिवजयंतीसाठी सातारा नागरी शिवमय

अहमदनगर शिवजयंती २०१२

जिजाऊंनी शिवरायांना घडविले : महापौर शिंदे

प्रतिनिधी । नगर

आई जिजाऊ यांनी छत्रपती शिवरायांना घडविले. जिजामाताच शिवरायांच्या गुरू आणि मार्गदर्शिका आहेत. आईच्या चांगल्या संस्कारामुळे सर्व जातीधर्मांना सामावून घेऊन शिवरायांनी राज्य निर्माण केले. जिजाऊंच्या आदर्श विचारांचे आचरण सध्याच्या आईने करण्याची गरज आहे, असे प्रतिपादन महापौर शीला शिंदे यांनी केले. शिवजयंती उत्सवानिमित्त आयोजित व्याख्यानमालेचे उद्घाटन शिंदे यांच्या हस्ते झाले. यावेळी त्या बोलत होत्या. याप्रसंगी नगरसेवक निखिल वारे, दिलीप सातपुते, माजी नगराध्यक्ष शंकरराव घुले, नितीन शेलार, माधव मुळे, रार्जशी शितोळे, दशरथ शिंदे, जालिंदर बोरुडे, संगीता खरमाळे आदी उपस्थित होते. संभाजी ब्रिगेडच्या वतीने शिवजयंती उत्सवानिमित्त येथील भिस्तबाग चौक, पुण्यश्लोक अहिल्याबाई होळकर मार्ग, सावेडी येथे दि. 17, 18 व 19 रोजी कार्यक्रमांचे आयोजन केले आहे. शुक्रवारी प्रसिद्ध इतिहास संशोधक प्रा. र्शीमंत कोकाटे म्हणाले, भारतासारखा इतिहास इतर कुठल्याही देशाला नाही. समाजापुढे आपला इतिहास चुकीच्या पद्धतीने मांडला जात आहे. या देशात आतापर्यंत अनेक शास्त्रज्ञ होऊन गेले आहेत. थोर समाजसुधारक महात्मा ज्योतिबा फु ले यांनी हिराबाग, पुणे यैथे शिवजयंती सुरूकेली. बहुजन यांचा इतिहास वाचा म्हणजे या गोष्टी समजतील.

शिवनेरी शिवजयंती २०१२

शिवनेरीवर आज शिवजन्मोत्सव सोहळा..

शिवनेरी: काल आणि आज

शिवजयंती २०१२ विशेष

स्त्रीस्वातंत्र्याचे पुरस्कर्ते शिवराय

राष्ट्रीय एकतेचे प्रतीक : छत्रपती शिवराय

राष्ट्रमाता माँसाहेब जिजाऊंनी ज्या महामानवाला संस्काराचे, राजनीतीचे, सर्वधर्मसमभावाचे, लोकशाहीचे बाळकडू देऊन आई आणि गुरू या दोन्हींची भूमिका पार पाडली आणि या शिदोरीच्या जोरावर ज्या महामानवाने हजारो वर्षे गुलामगिरीच्या खाईत पडलेल्या समाजाला नवी दिशा दिली, असे बहुजनांचे उद्धारकर्ते, स्वराज्य संस्थापक, क्षत्रीयकुलवंशज छत्रपती शिवाजी महाराज यांची 382 वी जयंती आज संपूर्ण भारतामध्ये मोठय़ा उत्साहात साजरी होत आहे.

संपूर्ण भारताचा श्वास असलेल्या छत्रपती शिवरायांनी महाराष्ट्रात आत्मसन्मानाची आग पेटवत स्वराज्य घडवण्याचे महान असे कार्य केले. 382 हा आकडाच राजांच्या लोकप्रियतेची साक्ष देतो. 382 वष्रे उलटून गेली तरीही जनसामान्यांच्या मनात राजांबद्दल असलेले प्रेम, र्शद्धा, सन्मान यामध्ये तिळमात्र कमतरता आलेली नाही. उलट दिवसेंदिवस ते प्रेम वाढतच चाललेलं आहे. आज जगामध्ये शिवरायांच्या विचारांचा, वेगवेगळ्या संकटांत त्यांनी वापरलेल्या शिवतंत्राचा, त्यांनी निर्माण केलेल्या न्यायव्यवस्थेचा, प्रशासनव्यवस्थेचा, त्यांनी घालून दिलेल्या सवयी-शिस्तीचा अभ्यास करून गोरे लोक स्वत:चा व त्यांच्या राष्ट्राचा विकास करून घेत आहेत, पण आपल्या देशात ‘दिव्याखाली अंधार’ अशी परिस्थिती आहे. भारतभूमीत शिवरायांनी विजयाचे घोडे चौफेर उधळवले, र्मद मावळ्यांचा ‘हर हर महादेव’चा नारा आजही महाराष्ट्राच्या दर्‍याखोर्‍यांत घुमतो आहे. स्वराज्याचे 350 किल्ले आजही राजांच्या पराक्रमाची साक्ष देत खंबीर उभे आहेत, पण आज त्याच शिवरायांचे वारसदार, भक्त म्हणवून घेणार्‍या आम्हा भारतीयांना शिवरायांचे खरे विचार अजूनही कळू शकले नाहीत हे आमचं दुर्दैव.

छत्रपतींची व अफजलखानाची लढाई राजकीय अस्तित्वाची लढाई होती. त्यांचे वैर धार्मिक नसून राजकीय होते. शिवरायांचा कोणी खानदानी शत्रू नव्हता. त्यांचा फक्त एकच शत्रू होता, अन् तो म्हणजे स्वराज्याच्या जो आड येईल तो नंबर एकचा शत्रू. मग तो घरचा असो वा दारचा, कोणत्याही जातीचा असो, वा धर्माचा. त्याला वठणीवर आणल्याखेरीज शिवराय स्वस्थ बसत नसत.

शिवरायांकडे येणारा प्रत्येक माणूस हा जातीवर नव्हे, तर तो स्वराज्यासाठी किती उपयोगी आहे या कसोटीवर पारखला जायचा. राजाकडे अठरापगड जातींचे लोक गुण्यागोविंदाने राहायचे. शिवरायांनी या लोकांना इतका जीव लावला की, या लोकांनी शिवरायांसाठी, स्वराज्यासाठी पाण्यासारखं रक्त वाहिलं. हाडांची काडं करून शिवरायांचे हात स्वराज्य उभारणीसाठी मजबूत केले. इतकं बंधूप्रेम छत्रपतींनी या मावळ्यांना दिलं होतं.

आज खरोखर आपण स्वत:ला शिवरायांचे भक्त, त्यांचे वारसदार मानत असू तर आज आपण एक निश्चय करूया की, शिवरायांना कधीच कोणत्या जातीच्या चौकटीत कोंडायचं नाही. कोणतीच जात शिवरायांच्या आड येता कामा नये. आपण जर खरे शिवभक्त असू तर छत्रपती शिवाजी महाराज कोणाची मक्तेदारी नाही हे ठणकावून सांगणं आपलं आद्य कर्तव्य असेल. शिवरायांचा कार्यकाळ जर बघितला तर इ. स. 1630 ते 1680 या 50 वर्षांच्या काळामध्ये शिवराय रात्रंदिवस झिजत राहिले. कोणासाठी? तर तुमच्या-आमच्यासाठी, जनतेच्या कल्याणासाठी, प्रत्येक जाती-धर्मांच्या लोकांना आपलं, स्वत:चं वाटेल असं स्वराज्य निर्माण करण्यासाठी.

शेवटी आपण सर्व तरुण मंडळी या शिवजयंतीनिमित्त एक पक्का संकल्प करूया, खर्‍या शिवचरित्राचा अभ्यास करून राष्ट्रीय एकतेचं प्रतीक असणार्‍या शिवरायांचे विचार आत्मसात करूया

नवा भारत घडवूया..।।

देश महासत्ता बनवूया..।।

-गणेश गिरणारे पाटील

गोवा शिवजयंती २०१२

गोवा आणि फार्मागुडीत धडाक्यात साजरी होणार शिवजयंती

वाशीम शिवजयंती २०१२

शिवजयंती महोत्सव आणि मोटारसायकल फेरी

वाशीम / वार्ताहर
सार्वजनिक शिवजयंती उत्सव समितीच्या वतीने रविवारी शिवजयंती महोत्सव आयोजित करण्यात आल्याची माहिती समितीचे सचिव व मराठा सेवा संघाचे केंद्रीय सदस्य सुभाष गायकवाड यांनी दिली. यानिमित्ताने वाशीम शहरातून मोटर सायकल फेरी व व्याख्याने होणार आहेत. छत्रपती शिवाजी महाराजांची ३८३ वी जयंती मोठय़ा उत्साहात साजरी करण्यासाठी रविवारी दुपारी १२ वाजता येथील शिवाजी शाळेपासून मोटर सायकल फेरीचे प्रस्थान होणार आहे. या सदभावना फेरीस नगराध्यक्ष रेखा शर्मा यांच्या अध्यक्षतेखाली पोलीस अधीक्षक महादेव तांबडे हिरवी झेंडी दाखविणार आहेत.
ही फेरी शहरातील प्रमुख मार्गावरून मार्गस्थ होऊन स्थानिक शिवाजी चौकात या फेरीची सांगता होणार आहे. यावेळी आयोजित कार्यक्रमाच्या अध्यक्षस्थानी उत्सव समितीचे अध्यक्ष व माजी नगराध्यक्ष बाळाभाऊ इन्नाणी राहणार असून प्रमुख वक्ते म्हणून बुलढाणा येथील प्रा अनिल राठोड हे ‘छत्रपती शिवाजी महाराजांचे विचार व आजचा समाज’ या विषयावर व्याख्यान देणार आहेत. या कार्यक्रमास प्रमुख अतिथी म्हणून खासदार भावना गवळी, वाशीम जिल्हा परिषदेच्या अध्यक्ष उषा चौधरी, आमदार लखन मलीक, आमदार सुभाष झनक, माजी आमदार सुभाष ठाकरे, राजेंद्र पाटणी, अ‍ॅॅड. विजय जाधव, सुरेश इंगळे, भीमराव कांबळे, पुरुषोत्तम राजगुरू, पालिकेचे उपाध्यक्ष गंगूभाई बेनिवाले, जिल्हा मध्यवर्ती बॅंकेचे संचालक राजू चौधरी, बाजार समितीचे सभापती भागवत कोल्हे, पंचायत समितीचे सभापती तुकाराम काकडे, तालुका खरेदी-विक्रीचे अध्यक्ष पांडूरंग महाले, देखरेख संघाचे अध्यक्ष दामोदर गोटे, मराठा सेवा संघाचे विभागीय अध्यक्ष अशोक महाले, संभाजी ब्रिगेडचे माजी राष्ट्रीय अध्यक्ष अनिल पाटील, राष्ट्रवादीचे जिल्हाध्यक्ष बाबाराव खडसे, कॉंग्रेसचे जिल्हाध्यक्ष अ‍ॅड. दिलीप सरनाईक, मनसेचे जिल्हाप्रमुख राजू पाटील राजे, जिजाऊ ब्रिगेडच्या जिल्हाध्यक्ष संजीवनी बाजड, कॉंग्रेस महिला आघाडीच्या उपाध्यक्ष डॉ अलका मकासरे, सुनील पाटील, रिपाईचे जिल्हाध्यक्ष तेजराव वानखेडे, देवा इंगळे, पीरिपाचे जिल्हाध्यक्ष दौलत हिवराळे, जिल्हा परिषदेचे उपमुख्य कार्यकारी अधिकारी विलास खिल्लारे, उपविभागीय अधिकारी रमेश काळे, उपविभागीय पोलीस अधिकारी जगदेव आखरे, पालिकेचे मुख्याधिकारी सुधाकर पानझाडे, पालिकेच्या सभापती कमल माने, लता उलेमाले, विद्या लाहोटी, मोतीराम तुपसांडे, नगरसेवक राजू वानखेडे, मोहम्मद जावेद आदी मान्यवर उपस्थित राहणार आहेत. या कार्यक्रमास शहरातील नागरिकांनी बहुसंख्येने उपस्थित राहावे असे आवाहन आयोजकांनी केले आहे.