शिवजयंती साजरी

पिंपरी-चिंचवड उद्योगनगरीत छत्रपती शिवाजी महाराजांची जयंती विविध उपक्रमांनी साजरी करण्यात आली.शहराच्या वतीने महापौर योगेश बहल यांनी हिंदूस्थान अ‍ॅन्टिबायोटिक्स (एचए) कंपनी वसाहतीमधील अर्धपुतळ्याला पुष्पहार अर्पण केला. या वेळी महापलिका आयुक्त आशिष शर्मा, उपमहापौर डब्बू आसवाणी आदी प्रमुख उपस्थित होते. श्री छत्रपती शिवाजी स्मारक समितीच्या वतीने अध्यक्ष मोहन शेटे, कंपनी महाव्यवस्थापक के.पी. राजन, मजदूर संघाचे अध्यक्ष सुनील पाटसकर तसेच महंमदभाई पानसरे उपस्थित होते.
संभाजीनगर (चिंचवड) येथे ‘श्रीं’ ची इच्छा प्रतिष्ठानच्या वतीने शिवप्रतिमेची भव्य मिरवणूक काढण्यात आली. कुशाग्र कदम यांनी प्रतिमा पूजन केले. सुरेश जासूद, सारंग अवचट, श्रीकांत परंदले यांनी संयोजन केले. काळेवाडी येथे हिंद युवा प्रतिष्ठानच्या वतीने आजपासून चार दिवस व्याख्यानमालेची सुरुवात नेताजी चव्हाण यांच्या व्याख्यानाने करण्यात आली. महेश नढे यांनी संयोजन केले. जिजाऊ ब्रिगेड आणि मराठा सेवा संघ यांच्या वतीने थेरगाव येथे महिलांसाठी मोफत आरोग्य तपासणी मोहीम राबविण्यात आली. मोनिका भोसले यांनी आयोजन केले होते.
निगडी येथे भक्ती-शक्ती उद्यानात छत्रपतींच्या पुतळ्यासमोर महापालिकेच्या वतीने व्याख्यानमालेचा शुभारंभ करण्यात आला तसेच दीपोत्सवाची सजावट करण्यात आली. शहर राष्ट्रवादीच्या खराळवाडी कार्यालयात सेवादल अध्यक्ष विजय लोखंडे, आनंदा कुदळे, उल्हास जाधव यांनी प्रतिमा पूजन केले. संत तुकारामनगर येथे शंभुराजे प्रतिष्ठानने नेत्रदानाचे अर्ज भरून घेतले. श्रीकांत मचाले आणि वीरेंद्रसिंह शितोळे यांनी संयोजन केले. भोसरी येथे समता संघर्ष प्रतिष्ठानतर्फे हरिष डोळस, भारत कुंभारे यांनी पुतळ्याला पुष्पहार अर्पण केला. सांगवी येथे लोकसेवा शिक्षण संस्थेच्या अध्यापक विद्यालयात गुरुराज चरंतीमठ यांनी छत्रपतींचा आदर्श आजच्या पिढीला आवश्यक असल्याचे व्याख्यानात सांगितले. प्रा. संजय पन्हाळकर, सुनीता चव्हाण, प्राजक्ता खटाटे आदी उपस्थित होते. पिंपरी येथील सावित्रीबाई फुले भाजी मंडई संघटनेच्या वतीने मंदाकिनी रोकडे, महादेव वडमारे, भीमराव वाघमारे, सूर्यकांत उबाळे यांनी शिवाजी महाराजांच्या प्रतिमेला पुष्पहार अर्पण केला. बोपोडी येथील वंदे मातरम् संघटनेच्या वतीने माणिक खेडेकर यांनी पुतळ्याला अभिवादन केले. आनंद चंडालिया, संतोष भिसे आदी उपस्थित होते
शहर जिल्हा युवक काँग्रेसचे अध्यक्ष हरीश तापकीर यांनी रहाटणीगाव येथील पुतळ्याला पुष्पहार अर्पण केला. या वेळी शिवाजी खुळे, संदीप गोडांबे, संतोष ओझा, प्रशांत वाघमारे उपस्थित होते. रिपाइं युवा मोर्चाचे शहर संघटक सचिन गायकवाड यांनी एचए कंपनी जवळील पुतळ्याला अभिवादन केले. आबा वाघमारे, अशोक निर्सगध, पांडुरंग डोंगरे, भारत वाघमारे उपस्थित होते.

जळगाव शहरात आज विविध संस्थांचे वतीने शिवजयंती उत्साहात साजरी करण्यात आली .या निमित्त शिवकालीन देखाव्यासह मिरवणुक काढण्यात आली होती .या मिरवणुकीची सांगता शिवतीर्थ मैदानावर शिवाजी महाराजंाच्या प्रतिमेस पुष्पहार घालून करण्यात आली.

शहरात आज मराठा सेवा संघ ,शिवाजी ब्रिगेड ,छावा संघटना आदी संघटनांचे वतीने शिवजयंती उत्साहात साजरी करण्यात आली.